ब्राह्मण उवाच

Subscribe to ब्राह्मण उवाच feed
Mukesh Nagarhttps://plus.google.com/109524758985518354773noreply@blogger.comBlogger166125
Updated: 1 day 17 hours ago

श्रीपरमेश्वरस्तोत्रम् Shree Parmeshwar stotram

Tue, 05/22/2012 - 09:14

श्रीपरमेश्वरस्तोत्रम्

जगदीश सुधीश भवेश विभो

परमेश परात्पर पूत पित:।

प्रणतं पतितं हतबुद्धिबलं

जनतारण तारय तापितकम्॥1॥

गुणहीनसुदीनमलीनमतिं

त्वयि पातरि दातरि चापरतिम्।

तमसा रजसावृतवृत्तिमिमं

जनतारण तारय तापितकम्2॥

मम जीवनमीनमिमं पतितं

मरुघोरभुवीह सुवीहमहो।

करुणाब्धिचलोर्मिजलानयनं

जनतारण तारय तापितकम्3॥

भववारण कारण कर्मततौ

भवसिन्धुजले शिव मग्नमत:।

करुणाञ्च सम‌र्प्य तरिं त्वरितं

जनतारण तारय तापितकम्4॥

अतिनाश्य जनुर्मम पुण्यरुचे

दुरितौघभरै: परिपूर्णभुव:।

सुजघन्यमगण्यमपुण्यरुचिं

जनतारण तारय तापितकम्5॥

भवकारक नारकहारक हे

भवतारक पातकदारक हे।

हर शङ्कर किङ्करकर्मचयं

जनतारण तारय तापितकम्6॥

तृषितश्चिरमस्मि सुधां हित मे-

च्युत चिन्मय देहि वदान्यवर।

अतिमोहवशेन विनष्टकृतं

जनतारण तारय तापितकम्7॥

प्रणमामि नमामि नमामि भवं

भवजन्मकृतिप्रणिषूदनकम्।

गुणहीनमतन्तमितं शरणं

जनतारण तारय तापितकम्8॥

॥इति परमेश्वरस्तोत्रं सम्पूर्णम् ॥

Categories: Stotra - Pooja

गणेशस्तोत्रं Ganesh stotram

Sat, 04/28/2012 - 16:11
गणेशस्तोत्रं
सुवर्णवर्णसुन्दरं सितैकदन्तबन्धुरं गृहीतपाशकाङ्कुशं वरप्रदाभयप्रदम्।

चतुर्भुजं त्रिलोचनं भुजङ्गमोपवीतिनं प्रफुल्लवारिजासनं भजामि सिन्धुराननम्॥

किरीटहारकुण्डलं प्रदीप्तबाहुभूषणं प्रचण्डरत्‍‌नकङ्कणं प्रशोभिताङ्घियष्टिकम्।

प्रभातसूर्यसुन्दराम्बरद्वयप्रधारिणं सरत्‍‌नहेमनूपुरप्रशोभिताङ्घ्रिपङ्कजम्॥

सुवर्णदण्डमण्डितप्रचण्डचारुचामरं गृहप्रदेन्दुसुन्दरं युगक्षणप्रमोदितम्।

कवीन्द्रचित्तरञ्जकं महाविपत्तिभञ्जकं षडक्षरस्वरूपिणं भजे गजेन्द्ररूपिणम्॥

विरिञ्चविष्णुवन्दितं विरूपलोचनस्तुतं गिरीशदर्शनेच्छया समर्पितं पराम्बया।

निरन्तरं सुरासुरै: सपुत्रवामलोचनै: महामखेष्टकर्मसु स्मृतं भजामि तुन्दिलम्॥

मदौघलुब्धचञ्चलालिमञ्जुगुञ्जितारवं प्रबुद्धचित्तरञ्जकं प्रमोदकर्णचालकम्।

अनन्यभक्तिमानवं प्रचण्डमुक्तिदायं नमामि नित्यमादरेण वक्रतुण्डनायकम्॥

दारिद्रयविद्रावणमाशु कामदं स्तोत्रं पठेदेतदजस्त्रमादरात्।

पुत्री कलत्रस्वजनेषु मैत्री पुमान् भवेदेकवरप्रसादात्॥

इति शंकराचार्य विरचितं गणेशस्तोत्रं सपूर्ण

Categories: Stotra - Pooja

अर्गलास्तोत्रम् Argala Stotram

Fri, 04/27/2012 - 22:12

अर्गलास्तोत्रम्

अस्य श्रीअर्गलस्तोत्रमंत्रस्य विष्णुऋषिः, अनुष्टुप् छन्दः, श्रीमहालक्ष्मीर्देवता,

श्रीजगदंबाप्रीतये सप्तशतीपाठाङ्गजपे विनियोगः

॥ ॐ नमश्चण्डिकायै ॥

जयन्ती मङ्गला काली भद्रकाली कपालिनी ॥

दुर्गा क्षमा शिवा धात्री स्वाहा स्वधा नमोऽस्तु ते ॥१॥

मधुकैटभविद्रावि विधातृवरदे नमः ॥

रुपं देहि जयं देहि यशो देहि द्विषो जहि ॥२॥

महिषासुरनिर्नाशविधात्रि वरदे नमः ॥

रुपं देहि जयं देहि यशो देहि द्विषो जहि ॥३॥

वन्दितांघ्रियगे देवि सर्वसौभाग्यदायिनि ॥

रुपं देहि जयं देहि यशो देहि द्विषो जहि ॥४॥

रक्तबीजवधे देवि चंडमुंडविनाशिनि ॥

रुपं देहि जयं देहि यशो देहि द्विषो जहि ॥५॥

अचिन्त्यरुपचरिते सर्वशत्रुविनाशिनि ॥

रुपं देहि जयं देहि यशो देहि द्विषो जहि ॥६॥

नतेभ्यः सर्वदा भक्त्या चण्डिके दुरितापहे ॥

रुपं देहि जयं देहि यशो देहि द्विषो जहि ॥७॥

स्तुवद्भयो भक्तिपूर्व त्वां चण्डिके व्याधिनाशिनि ॥

रुपं देहि जयं देहि यशो देहि द्विषो जहि ॥८॥

चण्डिके सततं ये त्वामर्चयंतीह भक्तितः ॥

रुपं देहि जयं देहि यशो देहि द्विषो जहि ॥९॥

देहि सौभाग्यमारोग्यं देहि देवि परं सुखम् ॥

रुपं देहि जयं देहि यशो देहि द्विषो जहि ॥१०॥

विधेहि द्विषतां नाशं विधेहि बलमुच्चकैः ॥

रुपं देहि जयं देहि यशो देहि द्विषो जहि ॥११॥

विधेहि देवि कल्याणं विधेहि परमां श्रियम् ॥

रुपं देहि जयं देहि यशो देहि द्विषो जहि ॥१२॥

विद्यावन्तं यशस्वन्तं लक्ष्मीवन्तं जनं कुरु ॥

रुपं देहि जयं देहि यशो देहि द्विषो जहि ॥१३॥

प्रचण्डदैत्यदर्पघ्ने चण्डिके प्रणताय मे ॥

रुपं देहि जयं देहि यशो देहि द्विषो जहि ॥१४॥

चतुर्भुजे चतुर्वक्रसंस्तुते परमेश्वरि ॥

रुपं देहि जयं देहि यशो देहि द्विषो जहि ॥१५॥

कृष्णेन संस्तुते देवि शश्वद्भक्त्या त्वमम्बिके ॥

रुपं देहि जयं देहि यशो देहि द्विषो जहि ॥१६॥

हिमाचलसुतानाथसंस्तुते परमेश्वरि ॥

रुपं देहि जयं देहि यशो देहि द्विषो जहि ॥१७॥

सुरासुरशिरोरत्ननिघृष्टचरणेऽम्बिके ॥

रुपं देहि जयं देहि यशो देहि द्विषो जहि ॥१८॥

इन्द्राणीपतिसद्भावपूजिते परमेश्वरि ॥

रुपं देहि जयं देहि यशो देहि द्विषो जहि ॥१९॥

देवि भक्तजनोद्दामदत्तानन्दोदयेऽम्बिके ॥

रुपं देहि जयं देहि यशो देहि द्विषो जहि ॥२०॥

पुत्रान्देहि धनं देहि सर्वकामांश्च देहि मे ॥

रुपं देहि जयं देहि यशो देहि द्विषो जहि ॥२१॥

पत्नीं मनोरमां देहि मनोवृत्तानुसारिणीम् ॥

तारिणीं दुर्गसंसारसागरस्य कुलोद्भवाम् ॥२२॥

इदं स्तोत्रं पठित्वा तु महास्तोत्रे पठेन्नरः ॥

स तु सप्तशतीसंख्यावरमाप्नोति सम्पदाम् ॥२३॥

॥ इति मार्कण्डेयपुराणे अर्गलास्तोत्रम् सम्पूर्णम् ॥

Categories: Stotra - Pooja

॥ श्रीरघुनाथाष्टकं संपूर्ण ॥Shree Raghunathashtakam

Thu, 04/26/2012 - 21:14
श्रीरघुनाथाष्टकम्‌
शुनासीराधीशैरवनितलज्ञप्तीडितगुणं प्रकृत्याऽजं जातं तपनकुलचण्डांशुमपरम्‌ । सिते वृद्धिं ताराधिपतिमिव यन्तं निजगृहे ससीतं सानन्दं प्रणत रघुनाथं सुरनुतम्‌ ॥१॥ निहन्तारं शैवं धनुरिभ इवेष्टिं नृपगणे पथि ज्याकृष्टेन प्रबलभृगुवर्यस्य शमनम्‌ ।विहारं गार्हस्थ्यं तदनु भजमानं सुविमलं ससीतं॥२॥ गुरोराज्ञां नीत्वा वनमनुगतं दारसहितम्‌ । ससौमित्रिं त्यक्त्वेप्सितमपि सुराणां नृपसुखम्‌ । विरुपाद्राक्षस्याः प्रियविरहसन्तप्तमनसं ससीतं॥३॥ विराधं स्वर्नीत्वा तदनु च कबन्धं सुररिपुं गतं पम्पातीरे पवनसुतसंमेलनसुखम्‌ । गतं किष्किन्धायां विदितगुणसुग्रीवसचिवं ससीतं॥४॥ प्रियाप्रेक्षोत्कण्ठं जलनिधिगतं वानरयुतं जले सेतुं बद्ध्वाऽसुरकुल निहन्तारमनघम्‌ । विशुद्धामर्धांगी हुतभुजि समीक्षन्तमचलं ससीतं॥५॥ विमानं चारुह्यानुजजनकजासेवितपदमयोध्यायां गत्वा नृपषदमवाप्तारमजरम्‌ । सुयज्ञैस्तृप्तारं निजमुखसुरान्‌ शान्तमनसं ससीतं... ॥६॥ प्रजांसंस्थातारं विहितनिजधर्मे श्रुतिपथं सदाचारं वेदोदितमपि च कर्तारमखिलम्‌ । नृषु प्रेमोदृकं निखिलमनुजानां हितकरं सतीतं... ॥७॥ तमः कीर्त्याशेषाः श्रवणगदनाभ्यां द्विजमुखास्तरिष्यंति ज्ञात्वा जगति खलु गन्तारमजनम्‌ ॥ अतस्तां संस्थाप्य स्वपुरमनुनेतारमखिलं ससीतं... ॥८॥ रघुनाथाष्टकं हृद्यं रघुनाथेन निर्मितम्‌ । पठतां पापराशिघ्नं भुक्तिमुक्तिप्रदायकम्‌ ॥९॥ ॥ श्रीरघुनाथाष्टकं संपूर्ण ॥
Categories: Stotra - Pooja

वामनस्तोत्रं

Thu, 04/26/2012 - 21:09

वामनस्तोत्रम्

॥ ॐ नमो भगवते माधवाय ॥

। अदितिरुवाच ।

यज्ञेश यपक्षपुरुषाच्युत तीर्थपाद तीर्थश्रवःश्रवणमंगलामधेय ।

आपन्नलोकवृजिनोपशमोदयाऽद्य शं नः कृधीश भगवन्नसि दीननाथः ॥ १ ॥

विश्वाय विश्वभवनस्थितिसंयमाय स्वैरं गृहीतपुरुषक्तिगुणाय भूम्ने ।

स्वस्थाय शश्वदुपबृंहितपूर्णबोधव्यापादितात्मतमसे हरये नमस्ते ॥ २ ॥

आयुः परं वपुरभीष्टमतुल्यलक्ष्मीर्द्यौर्भूरसाः सकलयोगगुणास्त्रिवर्गः ।

ज्ञानं च केवलमनंत भवंति तुष्टोत्त्वत्तो नृणां किमु सपत्‍नजयादिराशीः ॥ ३ ॥

॥ इति श्रीमद्भागवतांतर्गतं वामनस्तोत्रं संपूर्णम् ॥

Categories: Stotra - Pooja

नृसिंहावतारस्तोत्रं narasimhavtaar stotram

Thu, 04/26/2012 - 19:48

नृसिंहावतारस्तोत्रं

॥ ॐ नमो भगवते गोविन्दाय ॥

ब्रह्मा उवाचः

नतोऽस्म्यनंताय दुरन्तशक्तये विचित्रवीर्याय पवित्रकर्मणे ।

विश्वस्य सर्गस्थितिसंयमान्गुणैः स्वलीलया संदधतेऽव्ययात्मने ॥ १ ॥

श्रीरुद्र उवाच ॥ कोपकालो युगांतस्ते हतोऽयमसुरोऽल्पकः ।

तस्सुतं पाह्यु पसृतं भक्तं ते भक्तवत्सल ॥ २ ॥

॥ इन्द्र उवाच ॥

प्रत्यानीताः परम भवता त्रायता नः स्वभागा दैत्याक्रान्तं ह्रदयकमलं त्वद्‌गृहं प्रत्यबोधि ।

कालग्रस्तं कियदिदमहो नाथ शुश्रूषतां ते मुक्तिस्तेषां नहि बहुमता नारसिंहापरैः किम् ॥ ३ ॥

॥ ऋषय ऊचुः ॥

त्वं नस्तपः परममात्थ यदात्मतेजो येनेदमादिपुरुषात्मगतं ससर्ज ॥

तद्विप्रलुप्तममुनाद्य शरण्यपाल रक्षागृहीतवपुषा पुनरन्वमंस्थाः ॥ ४ ॥

॥ पितर ऊचुः ॥

श्राद्धानि नोऽधिबुभुजे प्रसभं तनूजैर्दत्तानि तीर्थसमयेऽपिबत्तिलाम्बु ।

तस्योदरान्नखविदीर्णवपाद्य आर्च्छत्तस्मै नमो नृहरयेऽखिलधर्मगोप्त्रे ॥ ५ ॥

॥ सिद्धा उचुः ॥

यो नो गतिं योगसिद्धामसाधुरहार्षीद्योगतपोबलेन ।

नानादर्प तं नखैर्निर्ददार तस्मै तुभ्यं प्रणताः स्मो नृसिंह ॥ ६ ॥

॥ विद्याधरा ऊचुः ॥

विद्यां पृथग्धारणयाऽनुराद्धां न्यषेधदज्ञो बलवीर्यदृप्तः ।

स येन संख्ये पशुवद्धतस्तं मायानृसिंहं प्रणताः स्म नित्यम् ॥ ७ ॥

॥ नागा ऊचुः ॥

येन पापेन रत्‍नानि स्त्रीरत्‍नानि ह्रतानि नः ।

तद्वक्षःपाटनेनासां दत्तानन्द नमोऽस्तु ते ॥ ८ ॥

॥ मनव ऊचुः ॥

मनवो वयं तव निदेशकारिणो दितिजेन देव परिभूतसेतवः ।

भवत खलः स उपसंह्रतः प्रभो करवाम ते किमनुशाधि किंकरान् ॥ ९ ॥

॥ प्रजापतय ऊचुः ॥

प्रजेशा वयं ते परेशाभिसृष्टा न येन प्रजा वै सृजामो निषिद्धाः ।

स एष त्वया भिन्नवक्षा नु शेते जगन्मंगलं सत्त्वमूर्तेऽवतारः ॥ १० ॥

॥ गन्धर्वा ऊचुः ॥

वयं विभो ते नटनाट्यगायका येनात्मसाद्वीर्यबलौजसा कृताः ।

स एषा नीतो भवता दशामिमां किमुत्पथस्थः कुशलाय कल्पते ॥ ११ ॥

॥ चारणा ऊचुः ॥

हरे तवांघ्रिपङकजं भवापवर्गमाश्रिताः ।

यदेष साधुह्रच्छयस्त्वयाऽसुरः समापितः ॥ १२ ॥

॥यक्ष: ऊचुः ॥

वयमनुचरमुख्याः कर्मभिस्ते मनोज्ञैस्त इह दितिसुतेन प्रापिता वाहकत्वम् ।

स तु जनपरितापं तत्कृतं जानता ते नरहर उपनीतः पंचतां पंचविंश ॥ १३ ॥

॥ किंपुरुषा ऊचुः ॥

वयं किंपुरुषास्त्वं तु महापुरुष ईश्वरः ।

अयं कुपुरुषो नष्टो धिक्कृतः साधुभिर्यदा ॥ १४ ॥

॥ वैतालिका ऊचुः ॥

सभासु सत्रेषु तवामलं यशो गीत्वा सपर्यां महतीं लभामहे ।

यस्तां व्यनैषीद्‌ भृशमेष दुर्जनो दिष्ट्या हतस्ते भगवन्यथामहः ॥ १५ ॥

॥ किन्नराः ऊचुः ॥

वयमीश किन्नर गणास्तवानुगा दितिजेन विष्टिममुनाऽनुकारिताः ।

भवता हरे सवृजिनोऽवसादितो नरसिंह नाथ विभवाय नो भव ॥ १६ ॥

॥ विष्णुपार्षदा:ऊचुः ॥

अद्वैतद्धरिनररूपमद्‌भुतं ते दृष्टं नः शरणद सर्वलोकशर्म ।

सोऽयं ते विधिकर ईश विप्रशप्तस्तस्येदं निधनमनुग्रहाय विद्मः ॥ १७ ॥

॥ इति श्रीमद्भागवत पुराणे नृसिंहावतारस्तोत्रं संपूर्णम् ॥

Categories: Stotra - Pooja

सूर्यकवचस्तोत्रं soorya kavach stotram

Thu, 04/26/2012 - 12:36


    ऋषियाज्ञवल्क्य उवाच:
श्रृणुष्व मुनिशार्दूल सूर्यस्य कवचं शुभम् । आयुरारोग्यदं दिव्यं सर्वसौभाग्यदायकम् ॥१॥ 
देदीप्यमानमुकुटं स्फुरन्मकरकुंडलम् । ध्यात्वा सहस्त्रकिरणं स्तोत्रमेतदुदीरयेत् ॥२॥
शिरो मे भास्कर:पातु ललाटं मेऽमितद्युति: । नेत्रे दिनमणि:पातु श्रवणे वासरेश्‍वर: ॥३॥
घ्राणं घर्मघृणि:पातु वदनं वेदवाहन: । जिह्वां मे मानद:पातु कण्ठं मे सुरवंदित: ॥४॥
स्कंधौ प्रभाकर: पातु वक्ष:पातु जनप्रिय: । पातु पादौ द्वादशात्मा सर्वांगं सकलेश्‍वर: ॥५॥ 
सूर्यसक्षात्मकं स्तोत्रं लिखित्वा भूर्जपत्रके । दधाति य: करे तस्य वशगा: सर्वसिद्धय: ॥६॥
सुस्नातो यो जपेत् सम्यग्योऽधीते स्वस्थमानस: । स रोगमुक्तो दीर्घायु: सुखं-पुष्टिं च विंदति ॥७॥ 
॥ इति ऋषियाज्ञवल्क्यविरचितं सूर्यकवचस्तोत्रं सम्पूर्णम् ॥      
Categories: Stotra - Pooja

महासरस्वती स्तोत्र

Thu, 04/26/2012 - 11:56

ऋषि याज्ञवल्क्य कृत महासरस्वती स्तोत्रम् याज्ञवल्क्य उवाच—कृपां कुरु जगन्मातर्मामेवं हततेजसम् ।
गुरुशपात्स्मृतिभ्रष्टं विद्याहीनं च दुःखितम् ॥१॥ज्ञानं देहि स्मृतिं विद्यां शक्तिं शिष्यप्रबोधिनीम् ।
ग्रंथकर्तृत्वशक्तिं च सुशिष्यं सुप्रतिष्ठितम् ॥२॥प्रतिभां सत्सभायां च विचार क्षमतां शुभाम् ।
लुप्तं सर्वं दैवयोगान्नवीभूतं पुनःकुरु ॥३॥यथांकुरुं भस्मानि च करोति देवता पुनः ।
ब्रह्मस्वरूपा परमा ज्योतिरूपा सनातनी ॥४॥सर्वविद्याधिदेवी या तस्यै वाण्यै नमोनमः ।
विसर्गबिंदुमात्रासु यदधिष्ठानमेव च ॥५॥तदधिष्ठात्री या देवी तस्यै नित्यै नमोनमः ।
व्याख्यास्वरूपा सा देवी व्याख्याधिष्ठातृरूपिणी ॥६॥यया विना प्रसंख्यावान् संख्यां कर्तुं न शक्यते ।
कालसंख्यारूपा या तस्यै देव्यै नमोनमः ॥७॥भ्रमसिद्धान्तरूपा या तस्यै देव्यै नमोनमः ।
स्मृतिशक्ति ज्ञानशक्ति बुद्धिशक्ति स्वरूपिणी ॥८॥प्रतिभा कल्पनाशक्तिर्या च तस्यै नमोनमः ।
सनत्कुमारो ब्रह्माणं ज्ञानं पप्रच्छ यत्र वै ॥९॥बभूव मूकवन्सोपि सिद्धान्तं कर्तुमक्षमः ।
तदा जगाम भगवानात्मा श्रीकृष्ण ईश्वरः ॥१०॥उवाच स च तां स्तौहि वाणीमिष्टां प्रजापते ।
स च तुष्टाव तां ब्रह्मा चाज्ञया परमात्मनः ॥११॥चकार तत्प्रसादेन तदा सिद्धान्तमुत्तमम् ।
यदाप्यनंतं पप्रच्छ ज्ञानमेकं वसुंधरा ॥१२॥बभूव मूकवत्सोपि सिद्धान्तं कर्तुमक्षमः ।
तदा तां स च तुष्टाव संत्रस्तः कश्यपाज्ञया ॥१३॥ततश्चकार सिद्धान्तं निर्मलं भ्रमभंजनम् ।
व्यासः पुराणसूत्रं च पप्रच्छ वाल्मिकिं यदा ॥१४॥मौनीमूतश्च सस्मार तामेव जगदंबिकाम् ।
तदा चकार सिद्धान्तं तद्धरेण मुनीश्वरः ॥१५॥संप्राप्य निर्मलं ज्ञानं भ्रमांधध्वंसदीकम् ।
पुराणसूत्रं श्रुत्वा च व्यासः कृष्णकलोद्भवः ॥१६॥तां शिवां वेद दध्यौ च शतवर्षं च पुष्करे ।
तदा त्वत्तो वरं प्राप्य सत्कवींद्रो बभूव ह ॥१७॥तदा वेदविभागं च पुराणं च चकार सः ।
यदा महेंद्रः पप्रच्छ तत्त्वज्ञानं सदाशिवम् ॥१८॥क्षणं तामेव संचिंत्य तस्मै ज्ञानं ददौ विभुः ।
पप्रच्छ शब्दशास्त्रं च महेंद्रश्च बृहस्पतिम् ॥१९॥दिव्यं वर्षसहस्त्रं च सा त्वां दध्यौ च पुष्करे ।
तदा त्वत्तो वरं प्राप्य दिव्यंवर्षसहस्त्रकम् ॥२०॥उवाच शब्दशास्त्रं च तदर्थं च सुरेश्वरम् ।
अध्यापिताश्च ये शिष्या यैरधीतं मुनीश्वरैः ॥२१॥ते च तां परिसंचिंत्य प्रवर्तते सुरेश्वरीम् ।
त्वं संस्तुता पूजिता च मुनींद्रैर्मुनिमानवैः ॥२२॥दैत्येंद्रैश्चसुरैश्चापि ब्रह्मविष्णुशिवादिभिः ।
जडीभूतः सहस्रास्यः पंचवक्त्रश्चतुर्मुखः ॥२३॥यां स्तोतुं किमहं स्तौमि तामेकास्येन मानवः ।
इत्युक्त्वा याज्ञवल्क्यश्च भक्तिनम्रात्मकंधरः ॥२४॥प्रणनाम निराहारो रुरोद च मुहुर्मुहुः ।
ज्योतीरुपा महामाया तेन द्ष्टाप्युवाच तम् ॥२५॥सुकवींद्रो भवेत्युक्त्वा वैकुंठं च जगाम हे ।
याज्ञवल्क्यकृतं वाणीस्तोत्रमतेत्तु यः पठेत् ॥२६॥महामूर्खश्च दुर्बुध्दिर्वर्षमेकं यदा पठेत् ।
स पंडितश्च मेधावी सुकवींद्रो भवेद्ध्रुवम् ॥२७॥॥ इति ऋषि याज्ञवल्क्य कृत महासरस्वती स्तोत्रं संपूर्णम् ॥
Categories: Stotra - Pooja

अगस्त्यविरचितं श्रीमहालक्ष्मीस्तोत्रं

Thu, 04/26/2012 - 11:45

 ऋषि अगस्त्यकृत महालक्ष्मीस्तोत्रम् ।
पद्मे पद्मपलाशाक्षि जय त्वं श्रीपतिप्रिये ।
जयमातर्महालक्ष्मि संसारार्णवतारिणि ॥१॥महालक्ष्मि नमस्तुभ्यं नमस्तुभ्यं सुरेश्वरि ।
हरिप्रिये नमस्तुभ्यं नमस्तुभ्यं दयानिधे ॥२॥पद्मालये नमस्तुभ्यं नमस्तुभ्यं च सर्वदे ।
सर्वभूताहितार्थाय वसुवृष्टिं सदा कुरु ॥3॥जगन्मातर्नमस्तुभ्यं नमस्तुभ्यं दयानिधे ।
दयावति नमस्तुभ्यं विश्वेश्वरि नमोऽस्तुते ॥४॥नमः क्षीरार्णवसुते नमस्त्रैलोक्यधारिणि ।
वसुवृष्टे नमस्तुभ्यं रक्ष मां शरणागतम् ॥५॥रक्ष त्वंदेवदेवेशि देवदेवस्य वल्लभे ।
दारिद्र्यात्त्राहि मां लक्ष्मि कृपां कुरु ममोपरि ॥६॥नमस्त्रैलोक्यजननि नमस्त्रैलोक्यपावनि ।
ब्रह्मादयो नम्म्ति त्वां जगदानंददायिनि ॥७॥विष्णुप्रिये नमस्तुभ्यं नमस्तुभ्यं जगद्धिते ।
आर्तिहंत्रि नमस्तुभ्यं समृद्धिं कुरु मे सदा ॥८॥अब्जवासे नमस्तुभ्यं चपलायै नमो नमः ।
चंचलायै नमस्तुभ्यं ललितायै नमो नमः ॥९॥नमः प्रद्युम्रजननि मातस्तुभ्यं नमो नमः ।
परिपालय भो मातर्मा तुभ्यं शरणागतम् ॥१०॥शर्ण्ये त्वां प्रपन्नोऽस्मि कमले कमलालये ।
त्राहि त्राहि महालक्ष्मि परित्राणपरायणे ॥११॥पांडित्यं शोभते नैव न शोभंति गुणा नरे ।
शीलत्वं नैव शोभेत महालक्ष्मि त्वयाविना ॥१२॥तावद्धिराजते रूपं तावच्छीलं विराजते ।
तावद्‍गुणा नराणां च यावल्लक्ष्मीः प्रसीदति ॥१३॥लक्ष्मि त्वयालंकृतमानवा ये पापैर्विमुक्तानृपलोकमान्याः ।
गुणैर्विहीना गुणिनो भवंति दुःशीलिनः शीलवतां वरिष्ठाः ॥१४॥लक्ष्मीर्भूषयते रूपं लक्ष्मीर्भूषयते कुलम् ।
लक्ष्मीर्भूषयते विद्यां सर्वाल्लक्ष्मीर्विशिष्यते ॥१५॥लक्ष्मि त्वद्‍गुणकीर्तनेन कमलाभूर्यात्यलं जिह्नतां ।
रुद्राद्या रविचंद्रदेवपतयो वक्तुं च नैव क्षमाः ।अस्माभिस्तव रूपलक्षणगुणान्वक्तुः कथं शक्यते ।
मातर्मा परिपाहि विश्वजननि कृत्वा ममेष्टं ध्रुवम् ॥१६॥दैन्यार्तिभीतं भवतापपीडितं धनैर्विहीनं तव पार्श्वमागतम् ।
कृपानिधित्वान्मम लक्ष्मि सत्वरं धनप्रदानाद्धननायक्म कुरु ॥१७॥मां विलोक्य जननि हरिप्रिये निर्धनं तव समीपमागतम् ।
देहि मे झटिति लक्ष्मि कराग्रं वस्त्रकांचनवरान्नमद्‍भुतम् ॥१८॥त्वमेव जननी लक्ष्मि पिता लक्ष्मि त्वमेव च ।
भ्राता त्वं च सखा लक्ष्मि विद्या लक्ष्मि त्वमेव च ॥१९॥त्राहि त्राहि महालक्ष्मि त्राहि त्राहि सुरेश्वरि ।
त्राहि त्राहि जगन्मातर्दारिद्र्यात्त्राहिवेगतः ॥२०॥नमस्तुभ्यं जगद्धात्रि नमस्तुभ्यं नमो नमः ।
धर्माधारे नमस्तुभ्यं नमः संपत्तिदायिनि ॥२१॥दारिद्र्यार्णवामग्नोऽहं निमग्नोऽहं रसातले ।
मज्जंतं मां करे धृत्वा सुद्धर त्वं रमे द्रुतम् ॥२२॥किं लक्ष्मि बहुनोक्तेन जल्पितेन पुनः पुनः ।
अनन्मे शरण नास्ति सत्यं सत्यं हरिप्रिये ॥२३॥एतच्छुत्वाऽगस्तिवाक्यं ह्रष्यमाणा हरिप्रिया ।
उवाच मधुरां वाणीं तुष्टाऽहं तव सर्वदा ॥२४॥लक्ष्मीरुवाच । यत्त्वयोक्तमिदं स्तोत्रं यः पठिष्यति मानवः ।
श्रृणोति च महाबागस्तस्याहं वशवर्तिनी ॥२५॥नित्यं पठति यो भक्त्या त्वलक्ष्मीस्तस्य नश्यति ।
ऋणं च नश्यते तीव्रं वियोगं नैव पश्यति ॥२६॥यः पठेत्प्रातरुत्थाय श्रद्धाभक्तिसमन्वितः ।
गृहे तस्य सदा स्थास्ये नित्यं श्रीपतिनासह ॥२७॥सुखसौभाग्यसंपन्नो मनस्वी बुद्धिमान् भवेत् ।
पुत्रवान् गुणवान् श्रेष्ठो भोगभोक्ता च मानवः ॥२८॥इदं स्तोत्रं महापुण्यं लक्ष्म्यगस्तिप्रकीर्तितम् ।
विष्णुप्रसादजननं चतुर्वर्गफलप्रदम् ॥२९॥राजद्वारे जयश्चैव शत्रोश्चैव पराजयः ।
भूतप्रेतपिशाचानां व्याघ्राणां न भयं तथा ॥३०॥न शस्त्रानलतो यौधाद्भयं तस्य प्रजायते ।
दुर्वृत्तानां च पापानां बहुहानिकरं परम् ॥३१॥मंदुराकरिशालासु गवां गोष्ठे समाहितः ।
पठेत्तद्दोषशांत्यर्थं महापातकनाशनम् ॥३२॥सर्वसौख्यकरं नृणामायुरारोग्यदं तथा ।
अगस्तिमुनिना प्रोक्तं प्रजानां हितकाम्यया ॥३३॥
॥इति ऋषि अगस्त्यविरचितं श्रीमहालक्ष्मीस्तोत्रं संपूर्णम्॥
Categories: Stotra - Pooja

अष्टलक्ष्मीस्तोत्रम् ASTALAKSHMI STOTRAM

Thu, 04/26/2012 - 10:03
        अष्टलक्ष्मीस्तोत्रम्


   ॥ आदिलक्ष्मी ॥
सुमनसवन्दित सुन्दरि माधवि     चन्द्र सहोदरि हेममये ।मुनिगणमण्डित मोक्षप्रदायिनि     मञ्जुळभाषिणि वेदनुते ॥पङ्कजवासिनि देवसुपूजित     सद्गुणवर्षिणि शान्तियुते ।जयजय हे मधुसूदन कामिनि     आदिलक्ष्मि सदा पालय माम् ॥ १॥
   ॥ धान्यलक्ष्मी ॥
अहिकलि कल्मषनाशिनि कामिनि     वैदिकरूपिणि वेदमये ।क्षीरसमुद्भव मङ्गलरूपिणि     मन्त्रनिवासिनि मन्त्रनुते ॥मङ्गलदायिनि अम्बुजवासिनि     देवगणाश्रित पादयुते ।जयजय हे मधुसूदन कामिनि     धान्यलक्ष्मि सदा पालय माम् ॥ २॥
  ॥ धैर्यलक्ष्मी ॥
जयवरवर्णिनि वैष्णवि भार्गवि     मन्त्रस्वरूपिणि मन्त्रमये ।सुरगणपूजित शीघ्रफलप्रद     ज्ञानविकासिनि शास्त्रनुते ॥भवभयहारिणि पापविमोचनि     साधुजनाश्रित पादयुते ।जयजय हे मधुसूदन कामिनि     धैर्यलक्ष्मि सदा पालय माम् ॥ ३॥
   ॥ गजलक्ष्मी ॥
जयजय दुर्गतिनाशिनि कामिनि     सर्वफलप्रद शास्त्रमये ।रथगज तुरगपदादि समावृत     परिजनमण्डित लोकनुते ॥हरिहर ब्रह्म सुपूजित सेवित     तापनिवारिणि पादयुते ।जयजय हे मधुसूदन कामिनि     गजलक्ष्मि रूपेण पालय माम् ॥ ४॥   ॥ सन्तानलक्ष्मी ॥अहिखग वाहिनि मोहिनि चक्रिणि     रागविवर्धिनि ज्ञानमये ।गुणगणवारिधि लोकहितैषिणि     स्वरसप्त भूषित गाननुते ॥सकल सुरासुर देवमुनीश्वर     मानववन्दित पादयुते ।जयजय हे मधुसूदन कामिनि     सन्तानलक्ष्मि त्वं पालय माम् ॥ ५॥
   ॥ विजयलक्ष्मी ॥
जय कमलासनि सद्गतिदायिनि     ज्ञानविकासिनि गानमये ।अनुदिनमर्चित कुङ्कुमधूसर     भूषित वासित वाद्यनुते ॥कनकधरास्तुति वैभव वन्दित     शङ्कर देशिक मान्य पदे ।जयजय हे मधुसूदन कामिनि     विजयलक्ष्मि सदा पालय माम् ॥ ६॥
   ॥ विद्यालक्ष्मी ॥
प्रणत सुरेश्वरि भारति भार्गवि     शोकविनाशिनि रत्नमये ।मणिमयभूषित कर्णविभूषण     शान्तिसमावृत हास्यमुखे ॥नवनिधिदायिनि कलिमलहारिणि     कामित फलप्रद हस्तयुते ।जयजय हे मधुसूदन कामिनि     विद्यालक्ष्मि सदा पालय माम् ॥७॥
   ॥ धनलक्ष्मी ॥
धिमिधिमि धिंधिमि धिंधिमि धिंधिमि     दुन्दुभि नाद सुपूर्णमये ।घुमघुम घुंघुम घुंघुम घुंघुम    शङ्खनिनाद सुवाद्यनुते ॥वेदपुराणेतिहास सुपूजित     वैदिकमार्ग प्रदर्शयुते ।जयजय हे मधुसूदन कामिनि     धनलक्ष्मि रूपेण पालय माम् ॥ ८॥ इति श्रीअष्टलक्ष्मी स्तोत्रं सम्पूर्णम्  
Categories: Stotra - Pooja

कूर्मावतार स्तोत्रम् kurmavtaar stotram

Thu, 04/26/2012 - 09:23


    कूर्मावतार स्तोत्रम्॥ ॐ नमो भगवते नारायणाय ॥     ॥ देवा ऊचुः ॥  नमाम ते देव पदारविन्दं प्रपन्नतापोपशमातपत्रम् ॥  यन्मूलकेता यततोऽञ्जसोरु संसारदुःखबहिरुत्क्षिपंति ॥ १ ॥ धातर्यदस्मिन्भव ईश जीवास्तापत्रयेणोपहता न शर्मः ।  आत्मँल्लभंते भगवंस्तवांघ्रिच्छायां सविद्यामत आश्रयेम् ॥ २ ॥ मार्गंति यत्ते मुखपद्मनीडैश्छंदः सुपर्णैऋर्षयो विविक्ते ।  यस्याघमर्षोदसरिद्वरायाः पदं पदं तीर्थपदं प्रपन्ना ॥ ३ ॥ यच्छ्रद्धया श्रुतवत्या च भक्त्या संमृज्यमाने ह्रदयेऽवधार्य ।  ज्ञानेन वैराग्यबलेन धीरा व्रजेम तत्तेऽङघ्रिसरोजपीठम् ॥ ४ ॥ विश्वस्य जन्मस्थितिसंयमार्थे कृतावतारस्य पदाम्बुजं ते ।  व्रजेम सर्वे शरणं यदीश स्मृतं प्रयच्छत्यभयं स्वपुंसाम् ॥ ५ ॥ यत्सानुबंधेऽसति देहगेहे ममाहमित्यूढदुराग्रहाणाम् ।  पुंसां सुदूरं वसतोऽपि पुर्यां भजेम तत्ते भगवत्पदाब्जम् ॥ ६ ॥ तान्वा असद्‌वृत्तिभिरक्षिभिर्ये पराह्रतांतर्मनसः परेश ।  यथो न पश्यंत्युरुगाय नूनं ये ते पदन्यासविलासलक्ष्म्याः ॥ ७ ॥ पानेन ते देव कथासुधायाः प्रवृद्धभक्त्या विशदाशया ये ।  वैराग्यसारं प्रतिलभ्य बोधं यथांजसान्वीयुरकुण्ठधिष्ण्यम् ॥ ८ ॥ तथापरे चात्मसमाधियोगबलेन जित्वा प्रकृतिं बलिष्ठाम् ।  त्वामेव धीराः पुरुषं विशंति तेषां श्रमः स्यान्न तु सेवय ते ॥ ९ ॥ तत्ते वयं लोकसिसृक्षयाऽद्य त्वयानुसष्टास्त्रिभिरात्मभिः स्म ।  सर्वे वियुक्ताः स्वविहारतंत्रं न शक्नुमस्तत्प्रतिहर्तवे ते ॥ १० ॥ यावद्बलिं तेऽजह राम काले यथा वयं चांमदाम यत्र ।  यथोभयेषां त इमे हि लोका बलिं हरन्तोऽन्नमदंत्यनहाः ॥ ११ ॥ त्वं नः सुराणामसि सान्वयानां कूटस्थ आद्यः पुरुषः पुराणः ।  त्वं देवशक्त्यां गुणकर्मयोनौ रेतस्त्वजायां कविमादधेऽजः ॥ १२ ॥ ततो वयं सत्प्रमुखा यदर्थे बभूविमात्मन् करवाम किं ते ।  त्वं नः स्वचक्षुः परिदेहि शक्त्या देवक्रियार्थे यदनुग्रहाणाम् ॥ १३ ॥            ॥इति श्रीमद्-भागवतपुराणे कूर्मावतारस्तोत्रं समाप्तम् ॥
Categories: Stotra - Pooja

मत्स्यावतार स्तोत्रम् matsyavataar stotram

Mon, 04/02/2012 - 21:40

                                     मत्स्यावतार स्तोत्रम्   
नूनं त्वं भगवान्साक्षाद्धरिर्नारायणोऽव्ययः । अनुग्रहाय भूतानां धत्सेरुपंजलौकसाम् ॥ १ ॥ नमस्ते पुरुषश्रेष्ठ स्थित्युत्पत्त्यप्ययेश्‍वर । भक्‍तानां नः प्रपन्नानां मुख्योह्यात्मगतिर्विभो ॥ २ ॥ सर्वेलीलावतारास्ते भूतानां भूतिहेतवः ।  ज्ञातुमिच्छाम्यदो रूपं यदर्थं भवताधृतम् ॥ ३ ॥ न तेऽरविन्दाक्ष पदोपसर्पणं मृषा भवेत्सर्वसुह्रत्प्रियात्मनः ।  यथेतरेषां पृथगात्मनां सतामदीदृशो यद्वपुरद्‌भुतं हि नः ॥ ४ ॥                इति श्रीमद्भागवतातर्गतं मत्स्यावतारस्तोत्रं सपूर्णम् ।
                         
Categories: Stotra - Pooja

महामृत्युञ्जयस्तोत्रम् mahamrityumjay stotram

Mon, 04/02/2012 - 21:23

               
॥ महामृत्युञ्जयस्तोत्रम् ॥

ॐ अस्य श्रीमहामृत्युञ्जयस्तोत्रमन्त्रस्य मार्कण्डेय ऋषिः ।अनुष्टुप्‌ छन्दः ॥ श्रीमृत्युञ्जयो देवता ॥ गौरी शक्तिः ॥मम सर्वारिष्टसमस्तमृत्युशान्त्यर्थं सकलैश्वर्यप्राप्त्यर्थं च जपे विनियोगः ॥
             ॥ अथ ध्यानम् ॥
चन्द्रार्कानिविलोचनमं स्मितमुखं पद्मद्वयान्तःस्थितं मुद्रापाशमृगाक्षसूत्रविलसत्पार्णि हिमांशुप्रभम् ॥कोटीन्दुप्रगलत्सुधाप्लुततनुं हारादिभूषोज्ज्वलं कान्तं विश्वविमोहनं पशुपतिं मृत्युञ्जयं भावयेत् ॥ॐ रुद्रं पशुपतिं स्थाणुं नीलकण्ठमुमापतिम् ॥नमामि शिरसा देवं कि नो मृत्युः करिष्यति ॥१॥नीलकण्ठं कालमूर्ति कालज्ञं कालनाशनम् ॥नमामि शिरसा देवं किं नो मृत्युःकरिष्यति ॥२॥नीलकण्ठं विरूपाक्षं निर्मलं निलयप्रभम् ॥नमामि शिरसा देवं किं नो मृत्युः करिष्यति ॥३॥वामदेवं महादेवं लोकनाथं जगद्‌गुरुम् ॥नमामि शिरसा देवं किं नो मृत्युः करिष्यति ॥४॥देवदेवं जगन्नाथं देवेशं वृषभध्वजम् ॥नमामि शिरसा देवं किं नो मृत्युः करिष्यति ॥५॥गङ्गाधरं महादेवं सर्वाभरणभूषितम् ॥नमामि शिरसा देवं किं नो मृत्युः करिष्यति ॥६॥अनाथं परमानन्दं कैवल्यपददायिनम् ॥नमामि शिरसा देवं किं नो मृत्युः करिष्यति ॥७॥स्वर्गापवर्गदातारं सृष्टिस्थितिविनाशकम् ॥नमामि शिरसा देवं किं नो मृत्युः करिष्यति ॥८॥उत्पत्तिस्थितिसंहारकर्त्तारमीश्वरं गुरुम् ॥नमामि शिरसा देवं किं नो मृत्युः करिष्यति ॥९॥मार्कण्डेयकृतं स्तोत्र यः पठेच्छिवसन्निधौ ॥तस्य मृत्युभयं नास्ति नाग्निचौरभयं क्वद्चित् ॥१०॥शतावर्तं प्रकर्तव्यं संकटे कष्टनाशनम् ॥ शुचिर्भूत्वा पठेत्स्तोत्रं सर्वसिद्धिप्रदायकम् ॥११॥मृत्युञ्जय महादेव त्राहि मां शरणागतम् ॥जन्ममृत्युजरारोगै पीडितं कर्मबन्धनेः ॥१२॥तावतस्त्वद्‌गतप्राणस्त्वच्चित्तोऽहं सदामृड ॥इति विज्ञाप्य देवेशं त्र्यंबकाख्यमनुं जपेत् ॥१३॥नमः शिवाय शाम्भाय हरये परमात्मने ॥प्रणतक्लेशनाशाय योगिनां पतये नमः ॥१४॥             ॥शताङ्गायुर्मन्त्रः ॥ ॐ ह्री श्रीं ह्रीं ह्रौं ह्रें ह्रः हन हन दह दह पच पच गृहाण गृहाण मारय मारय मर्दय मर्दय महा-महाभैरव रूपेण धुनुय धुनुय कम्पय कम्पय विघ्नय विघ्नय विश्वेश्वर क्षोभय क्षोभय कटु कटु मोहय मोहय हं फट्‌ स्वाहा ।इति मन्त्रमात्रेण लब्धाभीष्टो भवति ॥इति श्रीमार्कण्डेयपुराणे मार्कण्डेयकृतं महामृत्युञ्जयस्तोत्रं सम्पूर्णम् ।
Categories: Stotra - Pooja

शिवरक्षास्तोत्रं shiv raksha stotram

Wed, 03/07/2012 - 11:24

                 शिवरक्षास्तोत्रं
अस्य श्रीशिवरक्षास्तोत्रमन्त्रस्य याज्ञवल्क्य ऋषिः ॥ 
श्री सदाशिवो देवता ॥अनुष्टुप् छन्दः ॥ 
श्रीसदाशिवप्रीत्यर्थं शिवरक्षास्तोत्रजपे विनियोगः ॥  चरितं देव-देवस्य महादेवस्य पावनम् । 
अपारं परमोदारं चतुर्वर्गस्य साधनम् ॥१॥  गौरीविनायकोपेतं पञ्चवक्त्रं त्रिनेत्रकम् । 
शिवं ध्यात्वा दशभुजं शिवरक्षां पठेन्नरः ॥२॥  गंगाधरः शिरः पातु भालं अर्धेन्दुशेखरः । 
नयने मदनध्वंसी कर्णो सर्पविभूषण ॥३॥  घ्राणं पातु पुरारातिः मुखं पातु जगत्पतिः । 
जिह्वां वागीश्वरः पातु कंधरां शितिकंधरः ॥४॥  श्रीकण्ठः पातु मे कण्ठं स्कन्धौ विश्वधुरन्धरः । 
भुजौ भूभारसंहर्ता करौ पातु पिनाकधृक् ॥५॥ 
हृदयं शंकरः पातु जठरं गिरिजापतिः । 
नाभिं मृत्युञ्जयः पातु कटी व्याघ्राजिनाम्बरः ॥६॥ 
सक्थिनी पातु दीनार्तशरणागतवत्सलः । 
उरू महेश्वरः पातु जानुनी जगदीश्वरः ॥७॥ 
जङ्घे पातु जगत्कर्ता गुल्फौ पातु गणाधिपः । 
चरणौ करुणासिंधुः सर्वाङ्गानि सदाशिवः ॥८॥ 
एतां शिवबलोपेतां रक्षां यः सुकृती पठेत् । 
स भुक्त्वा सकलान्कामान् शिवसायुज्यमाप्नुयात् ॥९॥  ग्रहभूतपिशाचाद्यास्त्रैलोक्ये विचरन्ति ये । 
दूरादाशु पलायन्ते शिवनामाभिरक्षणात् ॥१० ॥ 
अभयङ्करनामेदं कवचं पार्वतीपतेः ।
भक्त्या बिभर्ति यः कण्ठे तस्य वश्यं जगत्त्रयम् ॥११॥
इमां नारायणः स्वप्ने शिवरक्षां यथाऽऽदिशत् ।
प्रातरुत्थाय योगीन्द्रो याज्ञवल्क्यः तथाऽलिखत् ॥१२॥      ॥ इति श्रीयाज्ञवल्क्यप्रोक्तं शिवरक्षास्तोत्रं सम्पूर्णम् ॥
Categories: Stotra - Pooja

दारिद्र्य दहन शिवस्तोत्रं daridrya dahan shiv stotram

Tue, 03/06/2012 - 22:34

                      दारिद्र्य दहन शिवस्तोत्रं
विश्वेश्वराय नरकार्णवतारणाय कणामृताय शशिशेखरधारणाय । 
कर्पूरकान्तिधवलाय जटाधराय दारिद्र्य दुःखदहनाय नमः शिवाय ॥ १॥ 
गौरीप्रियाय रजनीशकलाधराय कालान्तकाय भुजगाधिपकङ्कणाय । 
गंगाधराय गजराज-विमर्दनाय दारिद्र्य दुःखदहनाय नमः शिवाय ॥ २॥  भक्तिप्रियाय भवरोगभयापहाय उग्राय दुर्गभव-सागरतारणाय ।
ज्योतिर्मयाय गुणनामसुनृत्यकाय दारिद्र्य दुःखदहनाय नमः शिवाय ॥ ३॥  चर्माम्बराय शवभस्मविलेपनाय भालेक्षणाय मणिकुण्डलमण्डिताय ।  मंञ्जीरपादयुगलाय जटाधराय दारिद्र्य दुःखदहनाय नमः शिवाय ॥ ४॥  पञ्चाननाय फणिराजविभूषणाय  हेमांशुकाय भुवनत्रयमण्डिताय ।  आनन्दभूमिवरदाय तमोमयाय दारिद्र्य दुःखदहनाय नमः शिवाय ॥ ५॥  भानुप्रियाय भवसागरतारणाय कालान्तकाय कमलासनपूजिताय ।
नेत्रत्रयाय शुभलक्षण लक्षिताय दारिद्र्य दुःखदहनाय नमः शिवाय ॥ ६॥ 
रामप्रियाय रघुनाथवरप्रदाय नागप्रियाय नरकार्णवतारणाय । 
पुण्येषु पुण्यभरिताय सुरार्चिताय दारिद्र्य दुःखदहनाय नमः शिवाय ॥ ७॥ 
मुक्तेश्वराय फलदाय गणेश्वराय गीतप्रियाय वृषभेश्वरवाहनाय । 
मातङ्गचर्मवसनाय महेश्वराय दारिद्र्य दुःखदहनाय नमः शिवाय ॥ ८॥ 
            वसिष्ठेन कृतं स्तोत्रं सर्वरोगनिवारणं ।             सर्वसंपत्करं शीघ्रं पुत्रपौत्रादिवर्धनम् ।       त्रिसंध्यं यः पठेन्नित्यं स हि स्वर्गमवाप्नुयात् ॥ ९॥ 
     ॥ इति श्रीवसिष्ठविरचितं दारिद्र्यदहनशिवस्तोत्रं सम्पूर्णम् ॥

Categories: Stotra - Pooja

विश्‍वनाथाष्टकम् vishvanaathashtakam

Tue, 03/06/2012 - 22:25

              विश्‍वनाथाष्टकम्       गङ्गातरङ्ग-रमणीय-जटाकलापं 
गौरीनिरंतर-विभूषित-वामभागम् ।
नारायणप्रियमनङ्गमदापहारं 
वाराणसीपुरपतिं भज विश्‍वनाथम् ॥ १ ॥
वाचामगोचरमनेकगुणस्वरूपं 
वागीश-विष्णु-सुरसेवित-पादपीठम् । 
वामेन विग्रहवरेण कलत्रवंतं 
वाराणसीपुरपतिं भज विश्‍वनाथम् ॥ २ ॥
भूताधिपं भुजग-भूषण-भूषितांङ्गं 
व्याघ्राजिनांबरधरं जटिलं त्रिनेत्रम् ।
पाशांङ्कुशा-भयवरप्रद-शूलपाणिं 
वाराणसीपुरपतिं भज विश्‍वनाथम् ॥ ३ ॥
शीतांशु-शोभित-किरीट-विराजमानं 
भालेक्षणानल-विशोषित-पंञ्चबाणम् ।  नागाधिपा-रचित-भासुरकर्णपूरं 
वाराणसीपुरपतिं भज विश्‍वनाथम्  ॥ ४ ॥
पञ्चाननं दुरितमत्त-मतङ्गजानां 
नागान्तकं दनुजपुंङ्गव-पन्नगानाम् ।  दावानलं मरणशोक-जराटवीनां 
वाराणसीपुरपतिं भज विश्‍वनाथम् ॥ ५ ॥
तेजोमयं सगुण-निर्गुणमदितीय-
मानंदकंदमपराजितमप्रमेयम् ॥
नागात्मकं सकल-निष्कलमात्मरूपं 
वाराणसीपुरपतिं भज विश्‍वनाथम् ॥ ६ ॥
आशां विहाय परिहृत्य परस्यनिंदाम्
पापे मतिं च सुनिवार्य मन: समाधौ ।  आदाय  हृत्कमलमन्यगतं परेशं 
वाराणसीपुरपतिं भज विश्‍वनाथम् ॥ ७ ॥
रागादिदोषरहितं स्वजनानुरागंवैराग्यशांतिनिलयं गिरिजासहायम् ।
माधुर्य-धैर्य-सुभगं गरलाभिरामं 
वाराणसीपुरपतिं भज विश्‍वनाथम्॥ ८ ॥
वाराणसीपुरपते: स्तवनं शिवस्य
व्याख्यातमष्टकमिदं पठते मनष्य: ॥
विद्यां श्रियं विपुल-सौख्यमनंतकीर्तिं 
संप्राप्य देहविलये लभते च मोक्षम् ॥ ९ ॥
विश्‍वनाथाष्टकमिदं य: पठेच्छिवसन्निधौ ।  शिवलोकमवाप्नोति शिवेन सह मोदते ॥ १० ॥
            ॥इति श्रीमहर्षिव्यासकृतं विश्‍वनाथाष्टकं संपूर्णम् ।  
Categories: Stotra - Pooja

शिवषडाक्षरस्तोत्रम् shiv shadakshar stotram

Tue, 03/06/2012 - 21:58

             शिवषडाक्षरस्तोत्रम्           ॐ कारं बिंदुसंयुक्तं नित्यं ध्यायंति योगिन: । 

कामदं मोक्षदं चैव ॐकाराय नमो नम: ॥ १ ॥

नमंतिऋषयो देवा नमन्त्यप्सरसां गणा: । 

नरा नमन्तिदेवेशं नकाराय नमो नम: ॥ २ ॥

महादेवं महात्मानं महाध्यानं परायणम् । 

महापापहरं देवं मकाराय नमो नम: ॥ ३ ॥

शिवं शांन्तं जगन्नाथं लोकानुग्रहकारकम् ।

शिवमेकपदं नित्यं शिकाराय नमो नम: ॥ ४ ॥

वाहनं वृषभो यस्य वासुकि: कण्ठभूषणम् । 

वामे शक्तिधरं देवं वकाराय नमो नम: ॥ ५ ॥

यत्र यत्र स्थितो देव: सर्वव्यापी महेश्वर : ।

यो गुरुः सर्वदेवानां यकाराय नमो नम: ॥ ६ ॥

षडक्षरमिदं स्तोत्रं य: पठेच्छिवसंनिधौ ।

शिवलोकमवाप्नोति शिवेन सह मोदते ॥ ७ ॥
                          ॥इति श्रीरुद्रयामले उमामहेश्वरसंवादे शिवषडाक्षरस्तोत्रं संपूर्णम्॥
Categories: Stotra - Pooja

मंगला गौरी स्तोत्रं mangala gauri stotram

Tue, 02/28/2012 - 21:54
             मंगला गौरी स्तोत्रं


ॐ रक्ष-रक्ष जगन्माते देवि मङ्गल चण्डिके |


हारिके विपदार्राशे हर्षमंगल कारिके ||


हर्षमंगल  दक्षे च हर्षमंगल दायिके |


शुभेमंगल दक्षे च शुभेमंगल चंडिके |


मंगले मंगलार्हे च सर्वमंगल मंगले |


सता मंगल दे देवि सर्वेषां मंगलालये |


पूज्ये मंगलवारे च मंगलाभिष्ट देवते |


पूज्ये मंगल भूपस्य मनुवंशस्य संततम् |


मंगला धिस्ठात देवि मंगलाञ्च मंगले|


संसार मंगलाधारे पारे च सर्वकर्मणाम् |


देव्याश्च मंगलंस्तोत्रं यः श्रृणोति समाहितः|


प्रति मंगलवारे च पूज्ये मंगल सुख-प्रदे |


तन्मंगलं भवेतस्य न भवेन्तद् मंगलम् |


वर्धते पुत्र-पौत्रश्च मंगलञ्च दिने-दिने |


मामरक्ष रक्ष-रक्ष ॐ मंगल मंगले |


        ||इति मंगला गौरी स्तोत्रं सम्पूर्णं ||



Categories: Stotra - Pooja

महामृत्युंजय जप विधि

Sun, 02/26/2012 - 12:23
महामृत्युंजय जप विधि अथारिष्टशान्त्यर्थं महामृत्युंजयजप विधिःआचम्य प्राणानायम्य शांतिपाठं पठित्वा सुमुखश्चेत्यादिनां गणेशस्मरणं च कृत्वा|संकल्पः- अमुकमास्यां, अमुकपक्षयां, अमुकतिथौ अमुकवासरे स्वस्य(यजमानस्य) शरीरे उत्पन्नोत्पत्स्यमानाऽखिलारिष्ट निवृत्तये श्री मृत्युंजयप्रसादादीर्घायुष्यसततारोग्यावाप्त्ये महामृत्युंजय जप महं करिष्ये||ऋष्यादिन्यासःवामदेवकहोलवशिष्ठाॠषयःमूर्धि्नः || पंक्तिर्गायत्री अनुष्टुप्-छंदासि वक्त्रे|| सदाशिवमहामृत्युंजय रूद्र देवतायैनमः हृदि|   ह्रीं शक्तये नमो लिंङ्गे |श्रीं बीजाय नमः पादयोः |इति ऋष्यादिन्यासः ||ॐ हौं ॐ जूँ सः भूर्भुवः स्वः त्र्यंबकं यजामहे सुगंधिंपुष्टिवर्धनं उर्वारुकमिवबंध्नान्मृत्योर्मुक्षीय मामृतात् ॐ भूर्भुवः स्वःॐ जूँसः हौं ॐ ||अस्य श्रीमहामृत्युंजय मन्त्रस्य वामदेवकहोलवशिष्ठाॠषयःपंक्तिः गायात्र्युषि्णगनुश्तुपछंदासि सदाशिवमहामृत्युंजयरूद्रदेवता ह्रीं शक्तिः श्रीबीजं महामृत्युंजय प्रीतये ममाभीष्ट सिद्धयर्थे जपे विनियोगः | ॐ हौं ॐ जूँ सः भूर्भुवः स्वः त्र्यंबकं ॐ नमो भगवते रुद्राय शूलपाणये स्वाहा हृदयाय नमः || ॐ हौं ॐ जूँ सः भूर्भुवः स्वः यजामहे ॐ नमोभगवतेरुद्राय अमृतमूर्तये मां जीवयशिरसि स्वाहा || ॐ हौं ॐ जूँ सः भूर्भुवः स्वः सुगंधिंपुष्टिवर्धनं ॐ नमोभगवतेरुद्राय चन्द्रशिरसे जटिने स्वाहा शिखायै वौषट् |  ॐ हौं ॐ जूँ सः भूर्भुवः स्वः उर्वारुकमिवबंध्नात् |ॐ नमोभगवतेरुद्राय त्रिपुरान्तकाय ह्रां ह्रीं ह्रौं कवचाय हुम् | ॐ हौं ॐ जूँ सः भूर्भुवः स्वः मृत्योर्मुक्षीय ॐ नमोभगवतेरुद्राय त्रिलोचनाय ॠग्यजुः साममन्त्राय नेत्रत्राय  वौषट् || ॐ हौं ॐ जूँ सः भूर्भुवः स्वः मामृतात् ॐ नमो भगवते रुद्राय ॐ अग्नित्रयाय उज्जवलज्वालाय मां रक्ष-रक्ष अघोराय फट् | इति षडङ्गन्यासः |त्र्यम्बकं शिरसि |यजामहे भ्रुवोः|सुगंधिं नेत्रयोः |पुष्टिवर्धनं मुखे| उर्वारुकं गंण्डयोः |इव हृदये|बन्धनात् जठरे |मृत्योर्लिंगे| मुक्षीय उर्वो|मा जान्वो|अमृतात् पादयोः |इति पदन्यासः|| मूलेन व्यापकं कृत्वा ध्यानं कुर्यात् |||अथ ध्यानं|| हस्ताम्भोजयुगास्थकुम्भयुगलादुद्धत्य तोयंशिरः सिञ्चन्तं करयोर्युगे न दधतं स्वांकेसकुम्भौकरौ | अक्षस्त्र्ग्मृहस्तमंबुजगतं मूर्द्धस्यचंद्रस्त्रवत्पीयूषोत्रतनुं भजेशगिरिजं मृत्युञ्जयं त्र्यम्बकम् |चंद्रोद्भासितमूर्ध्जंसुरपतिं पीयूषपात्रं वहद्धस्ताब्जेन दधत् सुदिव्यममलंहारस्यास्य पंकेरूहम्|सूर्येंद्वग्निविलोचनं करतले पाशाक्षसूत्रांकुशाम्भोजं विभ्रतमक्षयं पशुपतिं मृत्युंजयं संस्मरे || इति ध्यात्वा | मानसोपचारैः संपूज्य||ॐ लं पृथिव्यात्मकंगन्धं समर्पयामि || ॐ हं आकाशात्मकं  पुष्पं समर्पयामि || ॐ यं वायवात्म्कंधूपं समर्पयामि ||ॐ रं तैजसात्मकं दीपं समर्पयामि || मन्त्रं जपेत्| ॐ हौं ॐ जूँ सः भूर्भुवः स्वः त्र्यम्बकं यजामहे सुगंधिं पुष्टिवर्धनं उर्वारुकमिव बंधनान्मृत्योर्मुक्षीयमामृतात् भूर्भुवः स्वरों जूँसः हौं ॐ ||ततो जपानंतरं देवदक्षिणकरे जपं समर्पयेत् || गुह्यातिगुह्यगोप्ता त्वं गृहाणास्मत्कृतं जपम् |सिद्धिर्भवतु मे देव त्वत्प्रसादान्महेश्वर ||मृत्युञ्जयःमहारूद्र त्राहि मां शरणागतम् ||जन्ममृत्युजरारोग पीडितं कर्मबंधनैः|| अर्पणं- अनेन महामृत्युंजयजपाख्येंन कर्मणा श्रीमहा मत्युन्जयः प्रीयतां न मम| इति विज्ञाप्यदेवेशं जपेंन्मंत्रंतुत्र्यम्बकं || जप निवेदनम् – जपसांगतासिद्धयर्थंयथाकामनाद्रव्येण तद्धशाशदुग्धाज्य संसिक्तापामार्गसमिदि्भर्होमः तद्धशांशतर्पणम् तद्धशांशमार्जनं तद्धशांशब्राह्मणभोजनंकारयेत् ||इति||अथ होमार्थं शताक्षरा गायत्री मन्त्रः || ॐ तत्सवितुर्वरेंण्यं भर्गोदेवस्य धीमहि धियो योनः प्रचोदयात् | ॐ जातवेदसेसु नवाम सोममारातीयतोदिनहातिवेदः |स नः पर्षदतिदुर्गाणिविश्वानावेवसिन्धुर्दुरितात्याग्निः||ॐ त्र्यम्बकं यजामहे सुगंधिं पुष्टिवर्धनं उर्वारुकमिव बंधनान्मृत्योर्मुक्षीय मामृतात् स्वाहा ||
Categories: Stotra - Pooja

सर्वसिद्धिप्रदायक गणेश स्तोत्रं sarv siddhipradayak ganesh stotra

Wed, 02/08/2012 - 20:53

         सर्वसिद्धप्रदायक गणेश स्तोत्रं
   नमोस्तु गणनाथाय सिद्धिबुद्धि युताय च ।
सर्वप्रदाय देवाय पुत्रवृद्धि प्रदाय च ।।
गुरूदराय गुरवे गोप्त्रे गुह्यसिताय ते ।
गोप्याय गोपिताशेष भुवनाय चिदात्मने ।।
विश्वमूलाय भव्याय विश्वसृष्टिकराय ते ।
नमो नमस्ते सत्याय सत्यपूर्णाय शुण्डिने ।।
एकदन्ताय शुद्धाय सुमुखाय नमो नम: ।
प्रपन्नजनपालाय प्रणतार्तिविनाशिने ।।
शरणं भव देवेश संतति सुदृढां कुरू ।
भविष्यन्ति च ये पुत्रा मत्कुले गणनायक ।।
ते सर्वे तव पूजार्थे निरता:स्युर्वरो मत: ।
पुत्रप्रदमिदं स्तोत्रं सर्वसिद्धिप्रदायकम् ।।     ।।ॐ पार्वती प्रिय नंदनाय नमः।।
Categories: Stotra - Pooja

Pages